Algeng meiðsli knattspyrnumanna
Knattspyrna er vinsælasta íþrótt í heimi. Það eru meira en 240 milljónir skráðra knattspyrnuiðkenda um allan heim og á Íslandi árið 2021 voru um 23.000 iðkendur skráðir hjá ÍSÍ.
Flest knattspyrnumeiðsli verða á neðri útlimum, sem afmarkast við mjaðmargrind, mjaðmir, læri, hné, kálfa, fætur og ökkla. Rannsóknir á þessu sviði sýna að um 70% knattspyrnumeiðsla eru bráða meiðsli t.d. af völdum tæklingar, samstuðs eða ef leikmaður lendir illa eftir stökk, en um 30% eru álagsmeiðsli sem koma vegna of mikils álags á æfingum og keppni um lengri tíma. Dæmi um algeng álagsmeiðsli eru bólgur í náravöðvum, hásinarbólga og beinhimnubólga.
Rannsóknir sýna ennfremur að meiri hætta er á að verða fyrir meiðslum við keppni heldur en á æfingu. Meiðslatíðni kvenna í knattspyrnu er hærri en karla. Rannsóknir sýna einnig að leikmenn eru í meiri hættu að verða fyrir meiðslum þegar þeir eldast.
Meiðslatíðni í knattspyrnu er há samanborið við aðrar íþróttagreinar. Hinsvegar er alvarleiki meiðsla í knattspyrnu oft minni en í öðrum íþróttagreinum.
Með því að fræðast meira um hin almennu íþróttameiðsli átt þú meiri möguleika á því að fyrirbyggja meiðsli hjá sjálfum þér.
Ætlað til fræðslu og upplýsingar
Allt efni á aflid.is er aðeins ætlað til fræðslu og upplýsingar.
Upplýsingar á aflid.is eiga á engan hátt að koma í stað faglegrar aðstoðar sjúkraþjálfara, lækna eða annars fagfólks.
Sjúkraþjálfun AFL leggur áherslu á að ef notendur aflid.is eru í vafa um heilsufar sitt, skal leitað til læknis áður en gripið er til nokurrar meðferðar.
Efnið á aflid.is má ekki á nokkurn hátt nota sem grunn að slysa- eða skjúkdómsgreiningu né heldur við val á meðferð, nema í samráði við fagfólk.
Aflid.is ber ekki ábyrgð á neinu tjóni, sem kann að hljótast af notkun eða misnotkun þeirra upplýsinga sem þar er að finna eða tengdum svæðum.