Frosin öxl

Fyrsta stigið er stundum kallað „frysti stigið“. Á þessu stigi byrjar verkur að koma rólega sem veldur minnkun á hreyfigetu í öxlinni. Sumir átta sig ekki á því að eitthvað sé að fyrr en þeir eiga í erfiðleikum með að t.d. klæða sig í og úr. Oft orsakast verkurinn af slímsekknum sem liggur undir axlarhyrnunni (bursitis subacromialis). Eftir nokkra mánuði verður verkurinn svo mikill að hann fer að valda svefntruflunum.

Annað stigið er oft kallað „frosna stigið“ vegna þess að á þessu stigi er hreyfigeta axlarinnar orðin enn verri. Þetta stig getur staðið yfir í allt að eitt ár.

Síðasta stigið kallast „affrysti stigið“. Á þessu stigi eykst hreyfigeta axlarinnar aftur. Þetta stig getur varað frá 5 mánuðum upp í 2 ár.

Helsta einkenni frosinnar axlar sem hægt er að sjá með rannsóknum er minnkaður liðvökvi í liðnum.
Þar sem það eru mjúkvefirnir í axlarliðnum, sérstaklega liðpokinn, sem hafa áhrif á frosna öxl, þá er ekki hægt að sjá mikið út úr röntgen mynd. Þó er hægt að mismunagreina á röntgen mynd hvort um gigt eða kalkmyndun í sin sé að ræða en ekki frosna öxl.
Frosin öxl getur haft mikil áhrif á daglegt líf sérstaklega þegar einkenni eru slæm.

Ekki er til nein sérstök bráðameðferð við frosinni öxl.
Verkjastillandi meðferð væri helst það sem hægt er að gera á þessu stigi og viðhalda hreyfingu í öxlinni eins og mögulegt er.

Skoðun fer fram hjá lækni. Góð skoðun hjá lækni á að geta sagt til um hvort um frosna öxl sé að ræða.
Það er takmörkun á hreyfigetu í allar áttir, sérsaklega í útsnúning í öxl þegar olnboga er haldið upp við líkamann í 90° og snúið út. Halda skal herðablaðinu stöðugu á meðan.